Santu Paulo santu Paulo
stamatina tra le chianche
de la chiazza madre
se sente lu rusciu de lu ientu e
la cummare sotta la croce
ca nu se capisce
se sta ride o se sta chiange.
Sta si tira li capiddhri e
vè ncora tutta scazata.
Sa nfacciatu intra Lu puzzu e
sta crida cose strane.
Lu zì Ntoni e la Vata
sta cercanu la fannu riggettare.
Nienzi Santu Paulu.
Sa minatu nterra
cu tutta la suttana.
Madonna mia
quanti corpi cu la capu e
cu li piedi
su dhre chianche.
Mpressa mpressa
amu fattu spaziu a nu vossìa ca ha zaccatu agitare lu tamburello.
Uhhh… Santu Paulu
lu sai ca
ma pare iddhru la sapìa
sa misu a ballare e
girare comu na rundella.
Poi proprio quandu
amu zaccatu lu Rusariu e
chiestu la tua divina intercessione
ha caduta nterra e
rapita de lu sonnu
ha mpannata.